Edukira joan
ES EU

Gaur, maiatzak 17, Genero aniztasuna ospatuz

  • 2024-05-17 |

 

Gaur, maiatzak 17,  LGTBIQ+FOBIAREN AURKAKO NAZIOARTEKO EGUNA ospatzen da. LGTBIQ+FOBIAREN AURKAKO NAZIOARTEKO EGUNA ospatzen da.

Genero identitateen aniztasuna ikusarazteko asmoarekin eta pluralismo eta integrazioaren alde puxtarritxo bat gehitzeko JOLASA sortu dugu. 

 

EGIN KLIK HEMEN

Palestinako haurrak "Gure Haurrak ere badira"

  • 2024-05-09 |

 

Gasteiz eta Bilboko hainbat eskola publiko, ikastola eta guraso elkartek Palestinako haurrak "Gure Haurrak ere Badira" ekimena abiatu dute. Azken hilabete luze hauetan Palestinan gertatzen ari denak hunkituta, ekimen honen helburua da hango haurrak eta nerabeak pairatzen ari diren sarraskiak salatzea eta Eskola Komunitatea genozidio honen aurrean manifestu baten inguruan biltzea. Jadanik 13.000 haur eta nerabetik gora dira eraildakoak; horiei zaurituak eta umezurtz geratutako haurrak gehitu behar zaizkio.

 

Egoera larri honen aurrean, Ipintza institutuko eskola komunitate osoak, langileriak zein guraso elkarteak, bat egiten dugu manifestu horretan adierazten denarekin:

  • Bermatzea haurrak ez daitezela gerra-helburu izan.
  • Justizia giza eskubideen urraketen aurrean. Haurren hilketa eta​ mutilazioa, eskolen zein ospitaleen aurkako erasoak, haurren aurkako urraketa​ larriak dira. Nazioarteko komunitateak bermatu behar du berehalako ikerketa​ independenteak egiten direla eta egileak justiziaren aurrera eramaten direla.
  • Berehalako su-eten iraunkorra Gazan, eta genozidioaren amaiera​ Palestinan, NBEko Giza Eskubideetarako Goi Komisarioak horrela definituta. Gainera, berehalako esku-hartzea eskatzen dugu, biztanleria zibilaren babesa​ ziurtatuko duena, laguntza humanitarioa sartzea ahalbidetuko duena eta​ okupatutako lurralde palestinar guztietan giza eskubideen errespetua​ bermatuko​ duena.

​Horrekin batera, etzi ostirala, maiatzaren 10ean, 18:00etan, Gasteizeko Foruen plazatik abiatuko den manifestaziorako deialdia luzatzen dugu, bai eta, ostiralean bertan, Ipintza institutu aurrealdean 10:50ean burutuko dugu elkarretaratzera ere bai.

 

Atxikita daukazue bat egiten dugun manifestua, bai eta Gasteizeko manifestaziorako kartela ere.

Halaber, ekimen honen inguruan komunikabide ezberdinetan agertutako albisteak ere ikus ditzakezue: 

Hitzaldia. Adikzioak gaztetxoengan

  • 2024-05-08 |

Berriki gure ikasleek “ADIKZIOAREN PREBENTZIORAKO” programa jaso dute SASOIA elkartearen eskutik eta Bergarako Udalaren laguntzaz. Programa horren berri zuei emateko eta ikasleekin jasotako informazioaren deskargua egiteko bi hitzaldi antolatu ditugu:

  • Maiatzaren 8an, 17:00etan, 1.DBHko familientzako
  • Maiatzaren 14ean, 17:00etan, 3.DBH, 4.DBH eta 1. batxilergoko familientzako

Hitzaldi horretan, ikasleekin burututako programan landutakoaren berri emango dugu, familiek dituzuen kezkak partekatzeko espazioa izango duzue eta jarribide batzuk eskeiniko zaizkizue.

Eskertuko genuke zuen asistentzia konfirmatzea Inikaz bidaliko zaizuen galdetegiaren bitartez.

Saio honetan parte hartzea oso garrantzitsua dela azpimarratu nahi dugu, informatuta egotea denon ardura baita. Zuen parte hartzea espero dugu.

 

Lanbide Heziketarako Aurrematrikula zabalik

  • 2024-05-08 |

Dagoeneko zabalik dago Lanbide Heziketarako aurrematrikula epea. Hain zuzen maiatzaren 6tik maiatzaren 24a bitarte egongo da zabalik.

Orientatzaileak emandako dokumentua bete eta lehen aukeratua izan den eskolan tramitatu beharko duzue zuen aurrematrikula. Online ere egin dezakezue IKASGUNEA atariaren bitartez.

 

 

Informazio gehiago HEMEN.

INVADERS: Espezie inbaditzaileak gurean.

  • 2024-07-08 |

Jadanik ikusgai daude Arloen Arteko Proiektuaren baitan 1.DBHko ikasleek Euskal Herrian topa daitezkeen espezie inbaditzaileen inguruan prestatu duten erakusketa.

Animatu zaitezte ikustera!

 

Barne-loturak

  50.URTEURRENA

Kanpo-loturak

 

 

Orientaline

© IPINTZA BHI
Telefonoa: 943899444 | Fax: 943899445
012981aa@hezkuntza.net